عذاب الحب .

اختصر متل ما اختصر الزمن معانا كل شي
انا قصتي اني حبيت و اتحبيت من انسان اعطيته عمري كله ووهبته روحي استعديت اني اموت عشانه عشنا مع بعض ايام حلوة كتير كنت اقرب من نبض قلبه لقلبه و هو كان انا و اقرب مني لالي اللي عشناه مع بعض ما اظن انه في اتنين عاشوه عمري بيبدا لما عينه تيجي بعنيه بشوف نفسي بيه و من غيره انا و لا شي معاه عرفت شو يعني بحبك و شو يعني حياه لانه هو الحياه و من غيره انا مو عايشه و هو بيعرف هيك منيح محدش بالدنيا بيفهمني غيره و لا بيفهمه غيري كان الي حبيب و زوج و اب و اخ و ام و صديق و اهل و كل شي بحياتي ما بقدر اوصف كيف حياتي كانت كنت عايشه بجنه كنت انا و هو بحالنا ما النا بحدا و لا باي شي لغايه ما اجانا الللي يتدخل فينا فرقونا عن بعض كل واحد بطريق بيدور على التاني بس انا وصلوني لدرب ما بعده رجوع الا بالموت ربطوني برباط لشخص تاني انا حاولت امنع هيك شي و هو حاول بس ما بعرف شو عم بصير دخلت بدوامه مو عارفه اطلع منها و المشكله انه هو تركني بالدوامه بصرخ عليه ليسمعني ما عم يسمع و لما حاول انه يقرب مني استكترو عليا انه يكون جنبي و يحس بهمي و يهون عليا العذاب اللي انا عايشه بيه مع الشخص التاني عايشه معاه جسد روحي مع الانسان اللي انا بحبه و قلبي بينبض باسمه و صورته بعيوني وين ما اروح معايا حاسه اني عايشه بالنار ما بعرف شو اعمل و انا هلا بفكر بشي واحد الموت ما بقدر اشوف حبيبي مع وحده تانيه غيري و لا انا مستحمله يشوفني مع واحد تاني غيره و انا مره حكيتله انه حضن القبر اهون عندي من حضن غيرك و بساعتها خلاني اوعده اني ما افكر اني اعمل شي بنفسي بس هلا ما فضلي شي بهالدنيا رح اخلف ودي لاله انا تعبت بجد حاولت الاقي حل غير هيك بس ما رسيت عليه و انا هلا تايهه بعالم العذاب بموت بالثانيه الف مره شو اعمل ما بعرف بتمنى حدا يفهمني و يقللي شو اعمل بحياتي انا ما بقدر انسى الروح اللي سكنت روحي و اللي هيا سبب وجودي بالدنيا و من غيره انا ما الي وجود
هاد اختصار الاختصار لعذابي اللي بعيش فيه
الملاك الحزين